Hann var einn af þessu stóru sem í menntaskóla fóru.....

Svo byrjar ljóð stuðmanna sem ber nafnið ofboðslega frægur. Af hverju er ég nú að vitna í það, jú nú er búið að sýna þáttinn okkar Sveins og það er ekki frá því að maður sé að fá lítið innlit inn í heim þeirra ofboðslegu frægu. Alla vega tek ég eftir því að á mig er starað í búðum og hvíslað í kringum mig..... kannski er ég bara að mæta eitthvað hallærisleg í búðina og tek það fyrir frægðarljóma hehe.

Við vorum mjög ánægð með hvernig við komum út á öldum ljósvakans og þátturinn var vel og skemmtilega unninn enda áttum við ekki von á öðru því þarna var virkilega gott fagfólk á ferð. Binni var að sjálfsögðu aðal stjarnan enda er hann það alltaf ;). Ég er nú samt ekki að fýla mig í að horfa á sjálfan mig, hvað þá að finna að á mig sé horft við hverdagsleg störf sem verslunarferð er. En egóið tók nú samt dálítinn kipp þegar fólk var að hrósa okkur fyrir skemmtilega framkomu og annað slíkt, bara gaman að því. En ég held með sanni að þetta verði í síðasta skipti sem ég vel það að koma fram opinberlega, svo þið sem viljið berja mig augum verðið bara að nota þetta eina tækifæri vel og glápa úr ykkur glyrnunar hehe.

Lifið heil