Barndómur
Mér líður eiginlega eins og litlum krakka að bíða eftir jólunum. Af hverju? Er að fara að fá afhent hús til eignar í fyrsta skipti. Við eigum að fá húsið 10 feb ef allt gengur eftir. Núna er verið að bíða eftir iðnarmönnum rafvirkja, pípara og smiðum. Það er búið að plana mikið í sambandi við breytingar og reyndar kaupa flest allt þ.e.a.s ef Valdi í Byko kemur með einhverjar tölur aftur.
Hvað er fleira að gerast?
Arndís fór í leikskólann í fyrsta sinn í dag og gekk það bara mjög vel. Hún var feiminn í smástund eða þangað til hún kom inn í "mjúka" herbergið þá eiginlega tapaði hún sér það var svo gaman. Palli er úti í vagni og bara sefur þangað til hann er vakinn. Hann hefur ekki vaknað sjálfur í vagninum ennþá.
Þar sem ég nenni ekki að skrifa eða hef í sjálfu sér ekkert meira "markvert" að segja þá koma örfréttir.
Hefst þá liðurinn úr einu í annað.
Mér finnst Íslendingar og þá iðnaðarráðherra(frú) fremst í flokki vera að fara yfir um í álvæðingu. Mengunarvarnir í þessum álverum eru svo sem að batna en það er líka verið að fjölga þeim og stækka þau að því virðist endalaust. Það er svo sem gott og blessað að fá meiri atvinnu og auka útflutning en hvað eru við að borga mikið fyrir það? Hef sagt það áður og segi það aftur. Það átti að lækka virðisaukaskatt en ekki tekjuskatt. Af hverju í andskotanum má ekki hækka laun við leikskólakennara þó að hinir fái það ekki. Mér finnst það bara allt í lagi að þeir (þær) fái betri laun. Þetta er fólkið sem er að móta og ala upp börnin okkar. Við borgum manni betra kaup sem grefur skurð fyrir kúkinn okkar. Það er veruleg skítalykt af þessu máli. Ætla að leggja mig aðeins þangað til að Olla kemur og fara þá í fjós.

Sveinn sem fer úr einu í annað (mest í máli þó).