Þokkalega maður!
Já það er gaman að búa á Íslandi núna. Afhverju, jú Iron maiden er að fara að spila í Egilshöll í sumar. Síðasta sumar var það Metallica og nú verður það Iron Maiden. Við fórum í fyrra og get ég ekki sagt að það hafi verið mjög gaman en hefið samt ekki viljað missa af því. Held að Iron Maiden sé líka skemmtilegri á tónleikum heldur en Metallica en það verður bara að koma í ljós hvort þetta verður betra. Ég bara vona að menn hafi lært að það borgar sig ekki að hafa slökkt á loftræsikerfinu með 30000 manns í höllinni. Það væri kannski í lagi að slökkva þegar sjóið byrjar. Það var líka ALLT OF langur tími sem það var ekkert að gerast á sviðinu sem menn voru bara að bíða eftir að næsta hljómsveit (Metallica) kæmi á sviðið. Það að svita getur verið góð skemmtun en ekki með því að standa og bíða eftir einhverju.

Hef svo sem ekki mikið annað að segja núna nema hvað ég fór með Binna í leikskólann áðan sem telst ekki til stórtíðinda nema hvað það voru 11 krakkar veikir á deildinni hans Binna. Það er ca helmingur af þeirri deild. Alltaf verð ég jafn pirraður þegar ég keyri okkar vonda veg (moldarslóða) en það er spurning hvað maður á að gera til að fá eitthvað gert í málinu? Þeir (vegagerðin) sem maður talar við hjá vegagerðinni eru svo sem allir af vilja gerðir og segja að hann (vegurinn) sé þeim ofarlega í hug og bla bla en ekkert gerist. Kannski maður ætti bara að neita að nota veginn en líklega er þeim alveg sama þó að maður noti bara bát í staðinn. Kannski ég ætti að kíkja út núna því að við förum í foreldraviðtal á eftir.


Spurning dagsins
Kemur þú með á tónleika í sumar?

Halló
Hér er ekki mikið að frétta fyrir utan brúðskaupsundirbúning. Hann gengur bara vel. Það er búið að fá "hljómsveit" til að spila fyrir dansi og við erum byrjuð að æfa okkur að dansa. Hittum fólkið sem sér um þáttinn og voru þau svo þægileg að ég gat borðað vöfflu á meðan við vorum að tala við þau. Vandamál eru til þess að sigrast á þeim. Er búin að þyngjast um hálf kíló á þessum tveimur vikum sem ég hef verið að lyfta.

Okkur finnst skrítið að það þurfi að hækka raforkuverð þegar það er bullandi gróði á þessum fyrirtækjum Rarik og Orkuveitunni. Orkuveitan var með 5 milljarða í hagnað ef ég man rétt. Þeir voru að byggja sér hús fyrir einhverja milljarða og eiga samt skítnóg eftir. Þá get ég ekki séð mikla þörf á því að hækka verðið á þjónustunni. Mér finnst gott að búa í sveit en stjórnvöld eru ekki að gera það manni auðveld. Það er eiginlega sama hvort það eru samgöngur, símaband eða rafmagnskostnaður allt er það verra en í höfuðborginni en þangað langar mig ekki að fara nema þá í mesta lagi í verslunarleiðangur eða til að vera í minna en 7 tíma í einu því þá er ég búinn að fá nóg. Í morgun komu hér tvær stelpur og kvörtuð þær yfir vondum vegi hingað. Það er kannski þess vegna sem það kemur enginn að heimsækja okkur, eða þá að við erum ekki alltaf í fötum þegar fólk hefur komið í heimsókn. Þær komu þegar Olla var nýkomin úr sturtu.
Held að þetta komið gott í bili og segi ég því bless og hafið þið það sem best.