Hæ hó jíbbý jeij

Nei ekki er það 17 júní sem ég er að vísa í hér, heldur eru þetta fagnaðar óp af minni hálfu því ég komst inn. Mun ég því setjast aftur á skólabekk nú í haust 1. september til að vera nákvæm. Mun ég þar (á skólabekknum, sem vonandi er nú fínn stóll, helst með bólstraðri setu) leggja stund á allskyns búnám og því að tveimur vetrum loknum ætti ég að vera orðin nógu klár til að titla mig Búfræðing. Þarf ég nú bara að verða mér út um bókalista og slíkt og jafnvel upplýsingar um hvar ég get nálgast þær bækur (hef ekki séð mikið af "Fyndu búfræðinginn í sjálfum þér" og "Með Búið í lúkunum" í hillum KB (þá kaupfélags, ekki banka)). Fékk ég formlegt bréf frá Rektor þar sem hann þakkar mér persónulega fyrir að heiðra skólann með nærveru minni og fylgdi því áfangar sem ég mun taka í þessi tvo vetur sem ég hyggst leggja leið mína að menntasetrinu á Hvanneyri. Verð ég nú bara að lesa áfanga lýsingar á netinu svo ég geti valið fyrir haustönn '04.

Annars er nú lýtið að frétta úr sveitinni. Alltaf bara sami hitinn sem er að drepa mann, en hann er svo sem ágætur því ekki loðir lýsið lengi við mann í slíkum hita. Fólkið við hliðina á er að fara gifta sig á næstu helgi og mun því vera haldið heljarinnar partý af þeim sökum. Hyggst ég og minn ekta mann mæta þar með oss börn og eitt jafnvel tvö til auka svona til að boðflennast aðeins. Vonum að brúðguminn verði búinn að jafna sig eftir að hlaupa Mottu sem fer fram þessa helgi. Vona að hann verji titilinn sem BRUNASLANGAN og bæti jafnvel fleiri við, þar sem hann verður nú konulaus í þetta sinn, og ætti því að geta slept fram af sér beislinu, eða bara jafnvel skilið það eftir heima.

Nýtt barn er komið og er það 10 ára drengur. Hann er ótrúlega prúður og þægur drengur og vinnur vel. Hann er vel upp alinn sem er nú ekki sjálfgefið í nútímasamfélagi, alltaf gaman að sjá börn sem eru vel upp alinn. Vonandi kemur annar drengur um þessa helgi, alla vega var búið að bóka hann en einhver hringlandi er á foreldrunum. Kæmi sér mjög illa ef hann kemur ekki því við erum búin að vísa mörgum frá sem að vildu komast, og satt að segja veitir okkur ekki af tekjunum. Jæja nóg að stússa, best að lýta á áfanga lýsingarnar...
Lifið heil

Meiri Sveinn

Það er helst að frétta að Reynir (pabbi Ívars) var hér að skoða húsið til að fá einhverja hugmynd hvað það myndi kosta breyta húsinu eins og við viljum hafa það. Hann vildi fá teikningu sem var búið að búa til svo hann gæti séð betur hvað málið snérist um. Heyskapur er langt kominn og þá styttist í að Halli komi og taki fyrir skemmunni og klári grunninn hjá Sigrúnu og Ívari. Arnór kom í gærkvöldi og voru þeir vel nýttir framað kaffi strákarnir í að slá og fleira.
Geðheilsa mín er mikið betri þó svo að bakið sé nú ekki mikið skárra. Það er líklega hægt að venjast hverju sem er. Held að málið sé bara það að ég sé búinn að vera alltof mikið í traktorum undanfarið. Keyra skít, mold, möl, slóðdraga, og svo heyskapur. Það eru allir að fara eitthvað hér núna. Mamma ætlar til Unnar og á landsmót með henni, pabbi er að spá í að heimsækja Öbbu og ná í ömmu í leiðinni, ég og Olla að fara á Metallicutónleikanna, Adam var fara til útlanda og líklega fer Arnór eitthvað á landsmótið með foreldrum sínum. Mikið rosalega finnst mér nú samt gaman þegar það er svona mikið um að vera. Hvað get ég sagt meira. Pabbi er að slá svona næstum því síðust túnin í rigningunni núna. Held næstum því að það sé búið að rigna eitthvað í allt heyið þetta árið. Þetta verða mín lokaorð í dag og bið ykkur vel að lifa.