Gleðilegt nýtt ár.

Jæja þá er komið nýtt ár. Þakka fyrir það gamla og allt það. Það er til siðs að telja upp hvað fólk hefur gert á árinu og það ætla ég að gera. Janúar Fyrst ber að telja við urðum öll einu ári eldri. Við áttum 2 ára samveruafmæli. Sem er afrek út af fyrir sig að þola sérviskur og ósiði hvors annars. Febrúar Fórum í 30 afmæli hjá Kristjáni og gistum á Höfðabrekku. Mars Binni varð 4 ára. Apríl Ég var 27 ára. Maí Við ákveðum að taka börn í sveit. Júni Við fáum börn í sveit frá félagsmálastofnun. Júlí Við fórum á Metallicutónleika og komust að þeim erum hrikalega gömul. Byrjað á vélaskemmu. Ágúst Förum í sumarfrí í hitabylgju. Keyrum hringinn á viku. September Olla fer í bændaskólann. Oktober Olla verður 24 ára. Nóvember Arndís verður 1 árs. Desember Jóla og áramótapakkinn með öllu tilheyrandi.
Aular ársins: Bandaríkjamenn fyrir að kjósa Bush aftur.
Sá sem stóð sig best á árinu: Veit það ekki, fer eftir því við hvað er miðað. Sá sem græddi mesta peninga, sá sem gerði mest fyrir friðarbaráttu og svo framvegis. Dæmi hver fyrir sig.

Spurning dagsins Verður þetta ekki gott ár?

Peningar og fleira
Svarið er Bruce Dickerson BRUCE DICKERSON. Vorum að spila popppunktspilið í gær og þar var spurt um flugmann sem síðan reyndist vera Ómar Ragnarsson en ég var að reyna munna nafnið á söngvara Iron maiden sem er flugmaður sem var óbeint spurt um síðar. Eftir að Ívar, Sigrún, Unnsteinn, Eva og Sunna voru farinn þá kom það helvítis nafnið og hljómaði það í höfðinu á mér á meðan ég var að sofna. Pirrandi þegar mann ekki hluti sem maður veit. Þetta var mjög gaman en eftirminnilegast var Wild dancer dansinn hjá Unnsteini.

Ég er með það sem mætti kalla one track mind eða einstefnuhuga. Þetta lýsir sér þannig að mér dettur eitthvað í dug eða fer að um eitthvað og þá geri ég ekki annað en að hugsa um það málefni sem er fast í hausnum á mér í það skiptið. Það er núna hvað ég ætla að gera við alla peningana sem ég(við) fáum þegar við verðum um 60 ára. Við erum bæði með viðbótarlífeyrissparnað og svo er ég með Sunlife líka. Þetta gera líklega um eða yfir 70 milljónir sem við fáum í kringum 60 ára. Það sem við erum helst að hugsa um er að gefa þessa peninga til hjálparstarfa í Afríku og fara þá til Afríku til að skoða hvernig þeir eru notaðir og hvernig þeir geta hjálpað fólki. Hef ekkert að gera við alla þessa peninga þegar ég verð orðinn þetta gamall en það væri gott að hafa eitthvað af þeim svona næstu tíu árin eða svo. Mesta peningaþörfin verður næstu tíu árin á meðan við verum að kaupa húsið og jörðina og breyta húsinu. Það er alveg sama hvað fólk á mikla eða litla peninga ég held að allir vilji hafa meira af þeim. Mikið vill meira segir í lagi með gildrunni og það er rétt að mínu mati.


Mamma og pabbi fóru að heimsækja Unni og Kristján á Selfossi og ætlar Olla að mjólka með mér í kvöld. Sigrún ætlar að passa fyrir okkur á meðan við erum að mjólka. Við Binni fórum uppí Ráðagerði með jólapappírinn í morgun eins og ég var búinn að minnast á hér áður að við ætluðum að gera.


Spurning dagsins
Er það ekki undarlegt að skrapa saman peningum í 30 ár og ætla síðan að gefa stórann hluta af þeim loksins þegar maður fær að njóta þeirra?

Bónus spurning
Verður gott veður um áramótin?

Jólaafgangar
Þá eru helstu hátíðardagarnir búnir og fólk farið að mæta aftur í vinnu til að reyna að borga fyrir allar gjafirnar sem það gaf í jólagjöf. Okkar fjölskylda fékk fullt af jólagjöfum og þó Binni flestar held ég. Þar á meðal voru tveir fjarstýrðir bílar sem mér fullt flott gjöf fyrir 4 ára strák sem er böðull á dót. Eftir að 3 loftnet höfðu verið brotinn þá fékk ég nóg og setti bílana í geymslu til að ég nei ég meina Binni gæti leikið sér að þeim síðar. Allur jólapappírinn fer síðan upp í Ráðagerði til Elísar í ofninn hjá honum og allir pappakassarnir líka því að ef maður fer með það í Borgarnes þá er það bara urðað með hinu heimilissorpinu sem mér líkar ekki. Ég náði mér af ælupestinni eftir blund á Þorláksmessu og átti bara góð matar og pakkajól. Við vorum í Borgarnesi í árlegri jólaveislu og afa og ömmu Ollu á jóladag sem var bara gaman. Í þessari veislu var það staðfest að leikföngin stækka með börnunum. Andrés og Gunnar eru eins og litlir strákar með bílana sína sem þeir eru að kaupa. Það er sem ég segi þó strákar stækki þá verða þeir ennþá strákar. Nú fór allur vindur úr mér en þakka vel og vandlega fyrir mig og mína og vona að allir hafi haft skemmtileg jól.


Spurning dagsins er hvað á maður(ég) að eyða miklu í flugelda?
JólaSveinn