Þorláksmessa
Þessi þorláksmessa verður minnisstæð hjá mér fyrir það ég náði mér í ælupest í gær. Það truflaði sem betur fer ekki mikið nætursvefn hjá mér því að ég ældi öllu áður en ég fór að sofa. Binni og Olla fóru með jólakort og pakka í Borgarnes en við Arndís urðum eftir heima. Arndís datt úr rúminu hans Binna þar sem þau voru að leika sér og fékk góða kúlu á hausinn. Jólatréð er komið í blómapottinn sem við notum fyrir fót þetta árið og búið að skreyta það og það búið að detta einu sinni á hliðina. Jæja ætla að láta þetta duga núna og óska öllum gleðilegra jóla.


Spurningin dagsins (nýr dagsskrárliður)
Hvers vegna blokkar fólk (þú lesandi góður)? Er það vegna þess að við þurfum að koma okkar skoðunum á framfæri hindranalaust og mótmælalaust? Eða finnst okkur bloggurum við vera svona skemmtileg að við viljum að fleiri njóti okkar heldur en við hittum? Fór bara að velta þessu fyrir mér afhverju fólk bloggar. Ég held að ég noti bloggið sem dagbók sem ég segi hvað ég geri og hvernig mér líður.

Sveinn

Eitthvað
Í gær var lokaþátturinn af survior. Hann var með sama sniði og síðast mikil dramatík og skömmum um svik. Einn keppandinn sagði meðal annars að hann vildi ekki sjá Twilu út á götu eða heyra í henni í síma hvað þá meira. Þetta var af því að hún hafi svarið við nafn sonar síns og svo svikið það. Leikurinn snýst bara um það að vinna með öllum ráðum og held að það hafi enginn unnið með því að segja bara satt því þá ert þú bara kosinn burtu. Sá sem vann núna gerði það, var í bandalagi við alla þegar á leið því þá var hann öruggur. Í þessum þætti þegar kviðdómurinn talar við þau tvö sem eru eftir þá fara menn í skítkast af því að þeir hafa verið plataðir. Mér finnst að þeir sem voru reknir gleyma því að þetta sé leikur þar sem verðlaunin eru milljón dollarar en ekki raunveruleiki. Vill þetta fólk sem spilar leikinn láta muna eftir sér sem getur ekki gert milli leiks og raunveruleika.

Þá er Olla búinn að fá síðustu einkunnina sem var 10 í hlunnindum og nýsköpun. Þessi einkunn var fyrir þær hugmyndir sem við erum með fyrir jörðina. Ég er ekki upp á mitt besta í dag þannig að ég lætt þetta duga núna.

Jólakveðjur úr Borgarfyrði.
Sveinn