Take me home, contry roed.

Merkilegt hvað veghel. getur verið slæmt hingað heim til míns eðals slots. Vegagerðinni er alveg sama, ráðherra er alveg sama já öllum heiminum virðist vera alveg sama nema okkur hér sem erum svo óheppin að vera ekki í náðinni hjá vegagerð ríkisins og þurfum að keyra vegna búsetu okkar þennan blessaða veg dag eftir dag. Þetta er ekki í afdölum það eru fleiri en tvær hræður sem búa hér og plús það þá er hér sumarbústaða byggð sem bætist við hin 8 lögbýlin hér á þessum afleggjara okkar. Þetta fólk sem býr hér á þessum spotta er á öllum aldri (frá 3 - 78 ára) það gegnir hinum ýmsustu vinnum og á það eitt sameiginlegt að þrjóskast við að búa hér í sveitasælunni. En það er svo merkilegt að af þeim sem vinna (sem eru allir nema ég og aldraður nágrannakallinn) þá eru 80 % sem vinna niðrí Borgarnesi og þurfa því að keyra vegspottann minnst tvisvar á dag. Og þó svo að ég og nágrannakarlinn vinnum ekki þá keyrum við bæði þennan veg oft í viku og stundum oft á dag. Og mér er bara spurn þurfum við ekki líka að borga vegaskatt? Eru allir skattpeningar okkar landsbyggðafólksins að fara í að steypa upp Reykjavík? Hvernig stendur á því að sá sem býr í Breiðholti á rétt á því að keyra heim til sín á sléttum og fallegum vegi og jafnvel hafa nokkrar leiðir til vals svona eftir skapi og hvar hann sé staddur í höfuðborginni en landsbyggðamaðurinn á hann ekkert val? Kostar bensínið okkar eitthvað minna? Erum við ekki að borga jafn háa prósentu af því til vegagerðar og Breiðhylltingurinn? Af hverju fæ ég sem dreyfbílistútta bara einbreiðan, drullusettan,þvottabrettis,slysagildruveg, en Reykvíkingurinn malbikaðann,þriggja akreina, ljósumpríddann, undirgangnasettannveg? Og afhverju er vegagerðinni sama um mig en ekki Breiðhylltinginn? Af hverju kemur ráðherra ekki skríðandi á fjórum fótum biðjandi mig afsökunar og lofar að breyta veginum mínum eins og hann gerði við Breiðhylltinginn? Er samgönguráðherra bjáni? Er vegagerðin aumingi? Nei ég held ekki (þó svo samgönguráðherra sé sjálfstæðismaður) þeim er bara alveg sama því þeir þurfa ekki að keyra hér oft á dag um þennan vegspotta, þeir þurfa ekki heldur að keyra um hundruða annarra vegspotta styttri sem lengri um land allt sem glíma við sama getuleysi og vegurinn minn. Mín skilaboð eru hættið að skoða rassgatið á ykkur sjálfum og lýtið upp og sjáið reiða dreyfbílismennina sem borga það alveg sama í vegaskatt og Reykvíkingarnir.
Lifið heil.

Þankar og gestagangur.

Það er nú aldeilis munur að sjá slotið á neðrihæð Ferjubakkans núna. Móðir mín kom, sá og sigraði með tusku og moppu, en vegna ógeðs þá komst hún bara yfir stofuna og svo hluta til holsins. Mér óraði aldrei fyrir að ég væri svona mikill sóði og svona mikill óþrifnaður fyrir fyndist í mínum húsakynnum. En ekki var hægt að þræta fyrir litinn á vatninu í fötunni sem þó var skipt svo oft um að sá ég fram á að vatnlaust yrði í sveitinni. En nú er líka svo hreint að spegla sig má í veggjum, lofti og gólfi, og þeir sem hafa "kvartað" undan fjósalykt á mínu heimili geta étið brækur mínar ef þeir finna eitthvað slíkt þar nú. Annars hélt ég að ég yrði léttari um helgina, þ.e. að barnið væri nú bara loksins að koma, en annað kom á daginn þetta var bara smá hrekkur hjá afkvæmi mínu. Það hefur örugglega glott um góm þarna inni ef það hafði séð patið á foreldrum þess. En ekki er allt með öllu svo illt að ei boði nokkuð gott því ef frumburður númer tvö hafði komið þá hefðum við skötuhjú ekki getað tekið á móti gestum sem komu hér á laugardagskvöldið. Þar voru komnir gárungar tveir og frændur þeir Unnsteinn og Kristján. Var mikið spjallað og þegar líða tók á kvöldið birtist Eva ein Rós og glöddust þá viðstaddir þá sérstaklega Unnsteinn. Margt bara þar á góma og talaði aldrei þessu vant ég ekki mest (kannski vegna þess að ég var sú eina sem ekki var við skál), má þar nefna sambönd og reglur innan þeirra en Kristján var einmitt að hefja sambúð með einhverju fljóðinu þar fyrir austan og því algerlega nýr í þessum geira. Ekki stóðum við á liði okkar að veita honum góð ráð og dýr, þá sérstaklega Unnsteinn sem hélt mikla og innilega ræðu um hvað blífaði og hvað ekki í samböndum, reyndar leystist ræðan upp í lofsöng um heitkonu hans (þ.e. Evu) en það var allt í lagi því allir gátu tekið undir það að yndislegri manneskju má vart finna þó svo víða væri leitað. Sveinn hélt sér til baka í þessari umræðu en sagði þó, að hann héldi að þetta væri svo mismunandi eftir fólki og það sem gengi fyrir einn hentaði ekki öðrum. Mér fannst þetta mikil vísdómsperla sem hrundi þarna af vörum míns elskulegasta. Ég er viss um að Kristján hafi farið frá okkur reynslunni ríkari og ef þetta samband verður farsælt hjá honum þá þökkum við Ferjubakkafólkið okkur sjálfum fyrir góð ráð. :o) En þetta kvöld var ógleymanlegt og hef ég ekki hlegið svona mikið í langan tíma tanx jú gæs. Jæja nóg komið af málæði í bili
Lifið heil.